ଆତ୍ମନିର୍ଭର ଭାରତ: କୃଷକମାନଙ୍କ ପାଇଁ ମତ୍ସ୍ୟ ସମ୍ପଦ ଯୋଜନା ଓ ଇ-ଗୋପାଲା ଆପ୍ ଲଞ୍ଚ କଲେ ପ୍ରଧାନମନ୍ତ୍ରୀ ମୋଦୀ

0

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମତ୍ସ୍ୟ କ୍ଷେତ୍ରରେ ଧ୍ୟାନ ଦେବା  ଏବଂ ସ୍ଥାୟୀ ବିକାଶ ପାଇଁ ଏକ ଫ୍ଲାଗସିପ୍ ସ୍କିମ୍, ମତ୍ସ୍ୟ ସମ୍ପଦ ଯୋଜନା (ପିଏମଏମଏସୱାଇ) ଆରମ୍ଭ କରିଛନ୍ତି। ଏହା ସହ ପ୍ରଧାନମନ୍ତ୍ରୀ ମୋଦୀ କୃଷକଙ୍କ ପ୍ରତ୍ୟକ୍ଷ ବ୍ୟବହାର ପାଇଁ ସୂଚନା ପୋର୍ଟାଲ ଇ-ଗୋପାଲା ଆପ୍ ର ଉଦଘାଟନ କରିଛନ୍ତି। ପିଏମଏମଏସୱାଇ ଯୋଜନାରେ ଆତ୍ମନିର୍ଭର ଭାରତ ପ୍ୟାକେଜ୍ ର ଏକ ଅଂଶ ଭାବରେ ୨୦୨୦-୨୧ ରୁ ୨୦୨୪-୨୫ ପର୍ଯ୍ୟନ୍ତ ୨୦,୦୫୦ କୋଟି ଟଙ୍କା ବିନିଯୋଗ ହେବ | ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ଅନୁଯାୟୀ, ମତ୍ସ୍ୟଚାଷ କ୍ଷେତ୍ରରେ ଏହା ସର୍ବାଧିକ ବିନିଯୋଗ ଅଟେ |ବର୍ତ୍ତମାନ ପଶୁପାଳନ କରୁଥିବା କୃଷକମାନଙ୍କ ପାଇଁ ଦେଶରେ କୌଣସି ଡିଜିଟାଲ ପ୍ଲାଟଫର୍ମ ଉପଲବ୍ଧ ନଥିଲା, ଯାହା ଦ୍ବାରା ବିଭିନ୍ନ ପ୍ରକାରର ରୋଗମୁକ୍ତ ଜୀବାଣୁ କ୍ରୟ ଏବଂ ବିକ୍ରୟ, ଗୁଣାତ୍ମକ ପ୍ରଜନନ ସେବାର ଉପଲବ୍ଧତା ଏବଂ କୃଷକମାନଙ୍କୁ ପଶୁ ପୁଷ୍ଟିକର ଖାଦ୍ୟ, ଉପଯୁକ୍ତ ଔଷଧ ବ୍ୟବହାର କରି ପଶୁମାନଙ୍କର ଚିକିତ୍ସା ପାଇଁ ମାର୍ଗ ଦର୍ଶାଇ ପାରିବ। ଟିକାକରଣ, ଗର୍ଭଧାରଣ ନିରାକରଣ ଏବଂ ବିଭିନ୍ନ ସରକାରୀ ଯୋଜନା ଏବଂ ଅଭିଯାନ ବିଷୟରେ କୃଷକମାନଙ୍କୁ ଅବଗତ କରାଇବା ପାଇଁ କୌଣସି ମାଧ୍ୟମ ନଥିଲା | ଏବେ ଇ-ଗୋପାଲା ଆପ୍ ଏହି ସବୁ ଦିଗରେ କୃଷକମାନଙ୍କୁ ସମାଧାନ ପ୍ରଦାନ କରିବ। ୨୦୨୪-୨୫ ସୁଦ୍ଧା ମତ୍ସ୍ୟ ଉତ୍ପାଦନକୁ ଅତିରିକ୍ତ ୭୦ଲକ୍ଷ ଟନ୍ ବୃଦ୍ଧି, ୨୦୨୪-୨୫ସୁଦ୍ଧା ମତ୍ସ୍ୟ ଉତ୍ପାଦନ ରପ୍ତାନି ଆୟ ୧,୦୦,୦୦୦ କୋଟି ଟଙ୍କାକୁ ବୃଦ୍ଧି କରିବା, ମତ୍ସ୍ୟଜୀବୀ ଏବଂ ମତ୍ସ୍ୟ ଚାଷୀଙ୍କ ଆୟ ଦ୍ୱିଗୁଣିତ କରିବା, ଅମଳ ପରବର୍ତ୍ତୀ କ୍ଷତି ୨୦ରୁ ହ୍ରାସ କରିବାକୁ ପିଏମଏମଏସୱାଇ ଲକ୍ଷ୍ୟ ରଖିଛି | ବିହାର ମୁଖ୍ୟମନ୍ତ୍ରୀ ନୀତୀଶ କୁମାର କହିଛନ୍ତି ଯେ, ଏହି ପ୍ରକଳ୍ପ ଦ୍ୱାରା କୃଷି ଏବଂ ପଶୁପାଳନ ସହ ଜଡ଼ିତ ଲୋକମାନଙ୍କୁ ଏହି କ୍ଷେତ୍ରରେ ବିଭିନ୍ନ ଏବଂ ନୂତନ ଟେକ୍ନୋଲୋଜି ଆଣିବାରେ ସାହାଯ୍ୟ କରିବ | ସେ କହିଛନ୍ତି ଯେ, ସରକାର ଗ୍ରହଣ କରିଥିବା ପଦକ୍ଷେପ ଭାରତର ଆତ୍ମନିର୍ଭରଶୀଳ ହେବାର ଲକ୍ଷ୍ୟକୁ ବଢ଼ାଇବ।

Leave A Reply

Your email address will not be published.