ଫେୟାର୍ ଆଣ୍ଡ ଲଭଲିରୁ ହଟିବ ଫେୟାର୍

0

ବେଙ୍ଗାଲୁରୁ: ସୁନ୍ଦର ତ୍ୱଚା ଓ ଉଜ୍ଜଳ ଚେହେରା ପାଇଁ ହିନ୍ଦୁସ୍ଥାନ ୟୁନିଲିଭର ଦ୍ୱାରା ପ୍ରସ୍ତୁତ ଫେୟାର ଆଣ୍ଡ ଲଭଲିରୁ ଏବେ ଫେୟାର୍ ନାମ ହଟାଇବ ବୋଲି ନିଷ୍ପତ୍ତି ନେଇଛି। ବର୍ଣ୍ଣ ବୈଷମ୍ୟ ମନୋଭାବର ପୃଷ୍ଠପୋଷକତାର ଅଭିଯୋଗ କରି ଫେୟାର ଆଣ୍ଡ ଲଭଲି କ୍ରିମର ପ୍ରଚାରକୁ ବିଭିନ୍ନ ଫୋରମରେ ସମାଲୋଚନା କରାଯିବା ପରେ କମ୍ପାନୀ କର୍ତ୍ତୃପକ୍ଷ ଗୁରୁବାର ଏହି ନିଷ୍ପତ୍ତି ନେଇଛି।ଏହି କ୍ରିମରେ ବ୍ୟବହୃତ ହେଉଥିବା ଶବ୍ଦ ଫେୟାର, ହ୍ୱାଇଟ୍ ଏବଂ ଲାଇଟ୍ ଏକ ନିର୍ଦ୍ଦିଷ୍ଟ ବର୍ଣ୍ଣ ଓ ବର୍ଗକୁ ପ୍ରୋତ୍ସାହିତ କରୁଛି ବୋଲି ଅଭିଯୋଗ ଆସିଥିଲା। ଏହାପରେ ବର୍ଣ୍ଣକୁ ନେଇ ବୈଷମ୍ୟ ନହେବା ଉଚିତ୍ ନୁହଁ ବୋଲି ଅନୁଭବ କରିଛନ୍ତି କମ୍ପାନୀ କର୍ତ୍ତୃପକ୍ଷ।ହିନ୍ଦୁସ୍ଥାନ ୟୁନିଲିଭରର ଚେୟାରମ୍ୟାନ୍ ସଞ୍ଜୀଭ ମେହେଟା କହିଛନ୍ତି, ଆମ କମ୍ପାନୀ ଚର୍ମକୁ ସୁରକ୍ଷା ଦେବାକୁ ଯାଇ ବିଭିନ୍ନ ପ୍ରଡକ୍ଟସ ତିଆରି କରୁଛି। ଖାଲି ଫେୟାର ଆଣ୍ଡ ଲଭଲି ନୁହଁ, ଡୋଭ୍ ଏବଂ କ୍ନୋର ମଧ୍ୟ ତିଆରି ହୋଇଛି।

ଦକ୍ଷିଣ ଏସିଆରେ ଫେୟାର ଆଣ୍ଡ ଲଭଲି ସବୁଠାରୁ ଅଧିକ ବିକ୍ରି ହେଉଥିବା କ୍ରିମ୍। ତେବେ ଆଗାମୀ ଦିନରେ କମ୍ପାନୀ ନୂଆ ନାମ କ’ଣ ଦେବ ସେ ନେଇ ସୂଚନା ଦେଇ ନାହିଁ। ଲୋରିଆଲ୍ ଏବଂ ଜନସନ ଭଳି କମ୍ପାନୀ ମଧ୍ୟ ଏହା ଉପରେ ବିଚାର କରୁଥିବା ସୂଚନା ରହିଛି।

Leave A Reply

Your email address will not be published.