ଭାରତକୁ ସମର୍ଥନ କଲେ ଉଭୟ ଚୀନ୍ ଏବଂ ପାକିସ୍ତାନ

0

ମିଳିତ ଜାତିସଂଘ ସୁରକ୍ଷା ପରିଷଦକୁ ଭାରତ ଅଷ୍ଟମ ଥର ପାଇଁ ଅସ୍ଥାୟୀ ସଦସ୍ୟ ଭାବରେ ନିର୍ବାଚିତ ହୋଇଛି। ଏସିଆ-ପାସିଫିକରୁ ଭାରତ ଏକମାତ୍ର ପାର୍ଥୀ ହୋଇଥିଲା। ସର୍ବସମ୍ମତି କ୍ରମେ ଚୀନ୍ ଏବଂ ପାକିସ୍ତାନ ମଧ୍ୟ ଭାରତକୁ ସମର୍ଥନ କରିଛନ୍ତି।ବୈଦେଶିକ ବ୍ୟାପାର ମନ୍ତ୍ରାଳୟର ସଚିବ ବିକାଶ ସ୍ୱରୂପ କହିଛନ୍ତି, ମିଳିତ ଜାତିସଂଘରେ ଭାରତ ୧୮୪ ଭୋଟ୍ ପାଇଛି। ଏହା ଦେଶ ପାଇଁ ଏକ ବଡ ବାର୍ତ୍ତା। ଆମେ ଏସିଆ-ପାସିଫିକ୍ ଗ୍ରୁପ୍ ଠାରୁ ସମ୍ପୂର୍ଣ୍ଣ ସମର୍ଥନ ପାଇଛୁ। ସୁରକ୍ଷା ପରିଷଦରେ ଆମେ ପ୍ରତିଶୃତି ଦେଇଥିବା ସମସ୍ତ ପ୍ରସଙ୍ଗ ଉପରେ ଆମେ ଧ୍ୟାନ ଦେବୁ। ଆତଙ୍କବାଦ ଏବଂ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଏହି ପ୍ରସଙ୍ଗରେ ପ୍ରାଥମିକତା ହେବ। ଆତଙ୍କବାଦ ପ୍ରସଙ୍ଗକୁ ଆହୁରି ଜୋରଦାର କରାଯିବ ବୋଲି ସେ କହିଛନ୍ତି।ପାକିସ୍ତାନ ପ୍ରସଙ୍ଗରେ ବିକାଶ ସ୍ୱରୂପ କହିଛନ୍ତି, ପାକିସ୍ତାନର ସମସ୍ୟା ହେଉଛି ସର୍ବଦା ସେ ଦ୍ୱିପାକ୍ଷିକ ପ୍ରସଙ୍ଗ ଉଠାଇଥାଏ। ମତଦାନ ଗୁପ୍ତ ଥିଲା। ଏସିଆ-ପ୍ରଶାନ୍ତ ମହାସାଗରୀୟ ଦଳରୁ ସର୍ବସମ୍ମତି କ୍ରମେ ଭାରତର ପ୍ରାର୍ଥୀପତ୍ର ରହିଛି। ଯାହାକୁ ଚୀନ୍ ଏବଂ ପାକିସ୍ତାନ ମଧ୍ୟ ସମର୍ଥନ କରିଥିଲେ। ୨୦୧୩ ରେ ଆଫଗାନିସ୍ତାନ ପ୍ରାର୍ଥୀପତ୍ର ପ୍ରତ୍ୟାହାର କରି ଭାରତକୁ ସମର୍ଥନ କରିଥିଲା।

ଭାରତ ୧୯୫୦–୧୯୫୧, ୧୯୬୭–୧୯୬୮, ୧୯୭୨–୧୯୭୩, ୧୯୭୭–୧୯୭୮, ୧୯୮୪–୧୯୮୫, ୧୯୯୧–୧୯୯୨, ଏବଂ ୨୦୧୧–୨୦୧୨ରେ ମିଳିତ ଜାତିସଂଘରେ ଅସ୍ଥାୟୀ ସଦସ୍ୟ ରହିଥିଲା। ଏବେ ପୁଣି ଥରେ ନିର୍ବାଚିତ ହୋଇଛି।

Leave A Reply

Your email address will not be published.

19 − 13 =